Pottoka & Eskortz

 























Ortzirala 22, ortzirala
22:30

Diska berria besapean dutela heldu zaizkigu Pantxo Etxebere (Pottoka Band, Otsondo 602) eta Mikel Mujika baztandarrak.
80/90 hamarkadetan nekazal giroa eta rockaren erritmoak uztartu zituen artista ezaguna dugu Pantxo.
Gitarra akustikoa, banjoa, armonika eta ahotsak tartekatuz folk-pop aireko kantuak jorratzen dituzte beren lan berrian, freskotasuna eta sinpletasuna oinarritzat hartuz.
Herriko eguneroko bizimodua, naturarekiko lotura eta kritika soziala ageri dira Pottokaren kantetan.

Hemen entzungai garai bateko Pottokaren abesti ezagun bat. Eta hemen ta hemen, berriz, gaur egun aurkezten ari den diskoko kanta parea.

Morau & Balerdi-balerdi argazkiak

Calva & Shub argazkiak

Morau eta Balerdi-balerdi

Larunbat honetan, hilak 5, Morau gipuzkoarra eta Balerdi-balerdi nafarrak izanen ditugu gonbidatu berezi gisa. Lehenak euskarazko rockaren azken hamarkadetako ibilbideari errepasoa eginen dio, kontzertu-hitzaldi formatuan. Arratsaldeko 6etan hasiko gara berekin.
Afalondoan, berriz, euskarazko pop-aren aitzindari izan ziren Balerdi-balerdi iruñearrak ariko zaizkigu Katakuko taulagainean.
Han ikusiko dugu elkar!

Morau
Balerdi Balerdi

CALVA & SHUB, apirilak 17

Okzitaniako Pabetik (hori harrobia!) heldu diren bertze bi hardcore talde zuzenean Katakun, astearte honetan arratsaldeko 7etan. Hementxe kartela eta beraien musika aditzeko zenbait lotura:
Shub
Calva

NAICA, apirilak 20

Apirilak 20, arratseko 10etan
Kataku ostatuan

Beraien blogetik bildu ditugu hitz hauek taldearen aurkezpen gisa:

"Naica bi izan ziren Hudson eta East River ibaien inguruan ibilbidea hasi zutenean. Handik gutxira, Bidasoa ibaiaren ertz atseginetara itzultzerakoan, senar-emazte, bi anaia, mediku bat eta mutil altu bizardun bat izatera pasa dira: denera sei batu arren, bost dira benetan. Hastapenetik gaur arte nabarmen aldatu da beraien musika. Hasieran, bikote akustikorako sortu ziren kantu zahar horiek, ber-interpretatu, eta berri gisa ageri dira orain, formatu elektroakustiko klasikoan —bateria, baxua, kitarra eta pianoa—.

Naica paisai eta sonoritate ezberdinetan zehar pasieran dabil, toki atseginetan zehar igaroz, eta ez hain atseginetara ere hurbilduz. Naicak bere modua bilatu nahi du, bere ahots propioa erakutsi, barrutik irtetzen zaion moduan, era erosoan. Estilo finkoetatik eta autore famatuen babesetik ihesi, ziurrenik, zerbaiten antza izango du, baina niri ez dagokit hori esatea, eta, egia esan, ez zait axola ere. Naicari —kontatu didatelako dakit hau— mugimenduan doan aire hori hitzetan deskribatzea kosta egiten zaio. Beraz, zalantza hauek guztiak argitzeko modurik aproposena izango da aurrerantzean eskeniko dituzten edozein kontzertutara hurbiltzea, eta kontatu nahi digutena adi entzutea".


------------

Naica:
Mikel Azcona Uribe
Naia Mandaluniz Elgezabal
David Martinez Zabalegi
Carlos Noain Maura
Santiago Noain Maura

DuasSemicolcheiasInvertidas argazkiak